VESSELSKY // KÜHN

---

Die im niederösterreichischen Schiltern geborene Singer/Songwriterin und Schauspielerin Irmie Vesselsky schreibt und komponiert seit frühen Jugendjahren. 

Bereits ihr Debutalbum „Parentheses of Antitheses – Pandora or The Unbending Dualism In Me“ (2009, cracked anegg records) brachte ihr hymnische Kritiken in der heimischen Musikszene ein. 

2013 legte Irmie Vesselsky mit ihrem Folgealbum „The Key - The Wisdom of Dorothy Gale or: How To Tame Your Inner Demons“ noch ein Schäufchen nach.

Ihr Hauptinstrument ist das Klavier, das die unverwechselbare Stimme Irmie Vesselsky’s trägt und immer wieder kongenial durch elektronische Spielereien ergänzt wird.

Zusammenarbeiten u.a. mit Martin Ptak, David Hebenstreit aka Sir Tralala, PDF aka Phil da Funk („Taking Stock“ EP, 2010 duzzdownsan) und diverse Filmmusik-Projekte.

www.irmievesselsky.com

geboren 1965 in Baden, lebt in Zöbing / Langenlois. 

1992 DUM – Das Ultimative Magazin mitbegründet, ebenso wie 1999 das Int. Kulturenfestival „Literatur & Wein“. 

Seit 2002 erfolgreich unterwegs mit dem Projekt „Zur Wachauerin“ und den CDs „Kalmuk“ (2003), „Live @ Glatt & Verkehrt“ (2006) und „in meina wöd“ (2010).2006 erschien in der Edition VAbENE der Mundart-Lyrikband „Des Wetta wiad betta“. 

Im Steinverlag erschien 2010 der Band „in meina wöd“, 2011 das Hörbuch „aus meina wöd“ und 2014 der Band „wos si a viech so denkt“. 

Jüngste Publikation: „fostviecha“ (gemeinsam mit Andreas Nastl), Stoahoat Verlag 2015.

Diverse Crossover-Projekte, u. a. mit dem Upper Austrian Jazz Orchester und der Hiphopperin mieze medusa. 

Herausgeber der Anthologien „Mein Waldviertel“ (2014) und „Mein Mostviertel“ (2015), beide Literaturedition NÖ.

www.zurwachauerin.at  

A Woidviertl am Meer wos brauch i mehr? In meine Dram siech i Poimen stott Bam. A Woidviertl am Meer des gfollat ma sehr Lebensgfü pua und van Winter a Rua! A Woidviertl am Meer des hättat a Flair! Stott Hakln am Laund a Liege am Straund A Woidviertl am Meer i gabat ois her weu i brauch net vü, so a herrliches Gfü! A Woidviertl am Meer – jo gern, bitte sehr! Nur Saund und Dünen stott de Wiesn, de grünen! A Woidviertl am Meer des gabat wos her des Rauschn, de Rua, do kriag i net gnua! A Woidviertl am Meer ka Lärm, ka Vakehr nua Luftschlössa baun und Norrnkastl schaun! A Woidviertl am Meer des follat net schwer, nur freindliche Leit und tuan wos an gfreit! A Woidviertl am Meer des fandat i fair ka Mauntl, ka Haum und Möwn stott Taum A Woidviertl am Meer i entspaunat mi sehr! Nua Olivenkern spuckn und da Wöd entruckn A Woidviertl am Meer i sogs gaunz leger: a Lebm ohne Sperrstund und es gaunze Joa gsund!

bei uns im kölla hauma uns wos traut bei uns im kölla haums uns a stüberl baut bei uns im kölla machma’s en dokta z’fleiß bei uns im kölla saufma en wein dopplerweis bei uns im kölla redt uns kana drei bei uns im kölla deaf ma no mia söwa sei bei uns im kölla richtma d’leit gern aus bei uns im kölla mochma uns a gaudi draus bei uns im kölla tamma oft schmäh fiahn bei uns im kölla tamma gerna politisiern bei uns im kölla redt uns kana drei bei uns im kölla deaf ma no mia söwa sei bei uns im kölla dearfst ungeniert zigeina sogn bei uns im kölla brauchst neamd um erlaubnis frogn bei uns im kölla kaun uns neamd aufschreckn bei uns im kölla brauchma uns meinung net vasteckn bei uns im kölla redt uns kana drei bei uns im kölla deaf ma no mia söwa sei bei uns im kölla is no so wias friara woa bei uns im kölla is des gestan no net goa bei uns im kölla lebma unsre dram bei uns im kölla is de guade oide zeit daham

i setz mi gern am nebntisch und huach a wengal zua wos gredt wiad is ois fia de fisch i hob sche laungsaum gnua i warad gern mei koda a koda ohne rausch i füh mi wia a toda mit dem i’s lebn tausch i fiacht mi vua mia söwa i renn vua mia davo maunchmoi wundat i mi söwa weu es hobts ma jo nix tau i steh gaunz fest im leben in vü zu große schuach vü nehma, wenig gebn a jaumma duach und duach i sitz so gern aum fenstabrett und schau den woikn zua i schau mit d’vegl um de wett kana frogt, wos i do tua mei fernseha is da himme, des testbüd san de stern. kumm kaufma uns an schimme und reitma bis noch wean! mei kino is im kopf drin, de fülme spün si o und weu i ned gern furt bin bleib i liawa do mei kopf is volla flausn meine hoa san volla fleh do kummt an doch des grausn liaba wa’s eich, waun i geh mei leben is a ringlspü mi beidlts hin und her i drah mi nua so laung i wü daun wü i nimma mea….

Ka wödrekord Ka himmefoat Ka schewrolee Ka hotwolee Ka fuadaneid Ka schodnfreid Ka üwafluß Ka wödvadruß I wü ned bessa sei I wü nua sei I wü ned greßa sei I wü nua sei I wü ned scheena sei I wü nua sei I wü ned gscheida sei I wü nua sei I wü ned schnölla sei I wü nua sei I wü ned reicha sei I wü nua sei Ka supastar Ka mordstrara Ka greßnwahn Ka rosnstrahn Ka übamensch Ka southfork-ranch Ka raumpnsau Ka supergau I wü ned stärka sei I wü nua sei I wü ned cooler sei I wü nua sei I wü ned aundas sei I wü nua sei I wü ned lauda sei I wü nua sei I wü ned mehr sei I wü nua sei I wü ned heulich sei I wü nua sei Ka üwaschwaung Ka untergaung Ka dominanz Ka firlefanz Ka rassnkluft Ka kaisergruft Ka müllionär Nua irgendwer

wir flüchtn doch olle imma irgendwo hin i bin jo net amoi in de eiganen wänd daham wir rennan doch olle vor irgendwos davo i bin jo net amoi in mir söwa daham wo haum doch olle vor irgendwos aungst i bin jo net amoi auf meina woikn daham the refugee in me is hiding to be free the refugee in me noone else will ever see wir glaubm doch olle aun irgend a zü i waß jo net amoi wos i wirklich wü wir rennan doch olle gaunz blind umanaund mi nimmt jo net amoi irgendwer aun da haund wir san doch olle fost nur auf da flucht und i hob imma glaubt i bin ala mit dera sucht the refugee in me is hiding to be free the refugee in me noone else will ever see the refugee in me is hiding to be free the refugee in me noone else will ever see

all the voices in my head no one cares no one cares de vün stimmen in mein kopf kana heards kana heards all the voices in my head no one cares no one cares de vün stimmen in mein kopf kana heards kana heards sometimes i dive into a crowded beehive it feels like a brain in a rush-hour train waun i mein kopf in an bienenstock stopf daun füht sa si aun wia a üwafüde eisnbaun all the voices in my head no one cares no one cares de vün stimmen in mein kopf kana heards kana heards all the voices in my head no one cares no one cares de vün stimmen in mein kopf kana heards kana heards sometimes i’m alone but not really alone and when i listen clear so many voices i hear

waun mei kreislauf in kras rennt und si söwa nimma dakennt waun mei mogn spompanadln mocht und si üwa mi ins feistl locht waun mei nosn neamd mea riachn wü daun wiad’s ia a schee laungsaum zvü waun mei rückgrod si imma mehr vabiagt weu wer aundara aun meine schniarl ziagt waun meine augn si vadrahn weu uns d’leit reißnägl stott rosn stran waun si meine zechnnäg aufroin weus net wissen wos sunst tuan soin waun mei hirn stottert stott denkt weu irgendwer aundra meine zügl lenkt waun i mei pappn nimma aubring und nua mehr im wirtshaus große redn schwing waun mi meine fiaß nimma dazahn und si noch vuan und hintn vadrahn waun i meine hoa büschlweis valier und den gegnwind trotzdem net gspia waun meine uawaschln nix meahr hean weu sa si gegn ois vaspean wauns mein hois zum hois auße hängt weu an stock hecha kana mehr denkt waun si meine händ in unschuid woschn und vua begeisterung laut poschn waun meine innerein noch draußn woin daun soit i ma den faungschuß hoin

Des Wetta regt uns auf, de Donau rinnt im Kras, auf de Bam is nix mea drauf, de koite Zeit, de mocht uns haß! Freeze this moment, freeze! De Weinberg hum a Glotzn, de siebn Hosn mochn blau, auf d’Fassl liegn de Kotzn, kann vaschlogts meah in d’Wachau! Laa de Schanigärtn Und de Gehsteig auffekloppt, jetzt haßts wieda woatn – haumma jeds Joah no so ghobt! Freeze this moment, freeze! Ois is ausgstuam oda fuat, De Donau quöt si gaunz alla, kana is mehr richtig duat, wos amoi groß woa is gaunz kla! Freeze this moment, freeze! Owa genauso mog i di pudelnockat, ohne Gwaund. Auf genau des gfrei i mi waun da Winta ziagt ins Laund. Freeze this moment, freeze! Jo genauso is des schee A de Laundschoft braucht ihr Ruah. Es is fia vü ned zum vasteh – a de Wachau hot amoi gnua.

de wöd hot kan hengl, de stern haum kan stengl, des meer hot kan deckl, i hob loch in de säckl, owa i füh mi woi! mei uhr hot kan zaga, mei woid kane jaga, mei wöd kane eckn, i mecht mi vasteckn, owa i füh mi woi! i hättat so gern an himme voi stern do tät i nua schaun und luftschlössa baun, weu i füh mi woi! i vabeiß ma des lochn vua so vüle sochn wos de leit ollas redn i huach net auf jedn, owa i füh mi woi! i hob kane suagn weda heite no muagn i steh in da blia und boid geh i in d’knia owa i füh mi woi! i brauch kane neider a jeda is gscheida i wü nua mei rua damit hob i scho gnua und i füh mi woi! de wöd hot kan hengl, de stern haum kan stengl, des meer hot kan deckl, i hob loch in de säckl, owa i füh mi woi!